Maciej sie roz wrócił z gónu jakisi markotny.

    – Zastrzeliłeś co? – pyto się Zuza.

    – Ja, dwie gynsi.

    – A były dziwoki?

    – Gynsi? To nie wiym… ale tyn siedlok, co mu patrziły, tyn strasznie!

    *

    Po jakimsi czasie szoł na gón jeszcze roz i zaś Zuza czako i wypytuje się

    hned przi dźwiyrzach:

    – Trefiłeś co?

    – Na toć – powiado Maciej.

    – A tuż kaj to mosz?

    – Na we szpitolu!

    *

    Po tych dwóch gónach se Maciej rzyk, że z trzecigo cosi musi prziniyść, ale

    zaś nic, i tuż coby nie było gańby, kupił zajónca u masorza.

    Przichodzi do dómu, a tu go Zuza z radości wito i prawi:

    – Nale toć żech je rada, że już idziesz, bo żech już miała strach…

    – O mnie? – pyto się Maciej.

    – Ale ni, jynych sie boła, że ci sklepy pozawiyrajóm!

    *

    Prziszeł roz Maciej do francuski restauracyje i chcioł cosi zjeść.

    – Mómy specjalne ślimoki, taki, co nigdzi nie nóńdziecie – chwoli se kelner.

    – Wiym, wiym – odpoli mu na to Maciej – bo jakech tu wczora był, to mie

    taki jedyn obsłógowoł.

    („Zwrot”, 1983, nr 10)

    Tagi: ,

      Komentarze

      Czytaj również


      #KTOTYJESTEŚ

      ZWROT TV

      Senat Rzeczypospolitej Polskiej Ministerstvo Kultury Fundacja MSZ Fortissimo haloCieszyn

      www.pzko.cz www.kc-cieszyn.pl www.prekladypygmalion.cz

      Projekt współfinansowany w ramach sprawowania opieki Senatu Rzeczypospolitej Polskiej nad Polonią i Polakami za granicą.
      Projekt byl realizován za finanční podpory Úřadu vlády České republiky a Rady vlády pro národnostní menšiny.

      Website Security Test