Z teki Wicka Sz.

Krytyk

Móndruje taki se jedyn i krytykuje każdego, ale ze zowiści, że za radnego nie wybrali jego.

Świyntoszek

Wszystko złe widzi w sómsiadowi, opowiado najgorsze o ciebie, a zapómnioł na stare przisłowi: sóndzym ciebie podle siebie.

We fabryce

– Wymyślij tam co nowego – wołajóm z kancelaryje, dostaniesz za to dyplóm, a my premije.

Agigator-demokrat

Piyrszy lotoł, agitowoł za Je-Ze-De: – Dowejcie nóm pole, krowy, kozy też. Teraz zaś piyrszy lotoł za restytucyjóm i głosi, że od downa był za demokracyjóm.

Szporus

Gdo szporuje na jedzyniu, bydzie za rok leżoł w ciyniu. Pinióndze po nim zustanóm, dziecka se o nich pobijóm.

Dobrotliwi

Dali dzieckóm dacze, wilki i na auto też cosi przidali, bo czym by ich jejich pupilki do dómu starców odwożali.

Odmiana zaimków

Ja piję, ty pijesz, on, ona, ono też już próbuje, bo rum z czekoladek wylizuje. My pijemy, wy pijecie, oni już nie piją, bo w cieniu odpoczywają, marskość wątroby złożyła je w groby.

(Czy to fraszki, czy też ni, przeczytejcie aspóń wy. „Zwrot”, 1998, nr 9)